دخيلك لاتخليني

السلام عليكم

شحالكم عساكم بخير

المهم حبيت انقل لكم هالقصيده وانشاء الله تعيبكم

وهي للشاعر عبدالله بن عامر الفلاسي



دخيلك لا تخليني ’’

ياصاحبي كيف تبعدني وتدنيني ,, يوم ورا يوم توعدني على الخالي

يقصيني الشوق والهجران يقصيني ,, ياعزتي كان وصلك ما تهيالي

ياروح روحي وعقلي يانظر عيني ,, شخصك على خاطري دوم يورى لي

أدخل على الله دخيلك لاتخليني ,, لا حي لا ميت لا صابر ولا سالي

يا بخيت سلم على سيد المزاييني ,, رد التحيه إلمن حبه برى حالي

قل له يعله على حبي يداريني ,, يصخي عليه الحبيب ريم الاسهالي

عداه ضدي وأنا ضده معديني ,, منه وربي على حسادنا والي

داروا عذابي وحطوا بينه وبيني ,, الله عليهم نووا قتلي وغربالي

لو هو درى صاحبي بعده مشقيني ,, ماكان خلا طويل الهجر متالي

افي على رغمهم بالفور يعطيني ,, جمعا حبيبي وهو رزاق من سالي

يارافع السبع أسألك لا تخليني ,, ملهوف ماني على بلواي متشالي

عدت شهور تشادي عدت سنيني ,, متعذب بين رحال ونزالي

إن جيت خل إلى خلي معاديني ,, وان جيت الى بيت الخطا خالي

ياقل فودي وقل اللي يصافيني ,, اليم حولي وانا هلك على الجالي

كني على محمل والموج يرميني ,, في حيرتي لا بلا سافل ولا عالي

موج على موج ورياح توديني ,, عزال حالي بهذا الحال عزالي

يا ليت خلي على صده يمنيني ,, يبرد فؤادي ولو وعد على الخالي

إلا على لبة المعلوق يكويني ,, لامنه جابة .. ولا مردود مرسالي

يا والله اللي عليه الشوق يلضيني ,, يحرق ضميري على مشبوق شعالي

هاوي وغاوي .. ومنه البعد يلويني ,, ليعات فيها علي أبداع واشكالي

لولاي أوده فلا والله يوطيني ,, كنه بحرف من الآيات يمحالي

وتهمني به هموم كبار توذيني ,, غشامة من كثيب الرمل تنهالي

هذا ومابي من الصكات يكفيني ,, وأدخل على اللي لكل الميل عدالي

يابخيت قل له فلا والله يلهيني ,, غيره من الناس .. قل له يابعد حالي

بن عامر درك .. قل له لا يخليني ,, واسلم وسلم على اللي عندكم غالي

وسلامتكم

وعليكم السلام

القصيدة حلوة

دخيلك لا تخليني

بين الفصحة والعامة

مشكورة على القصيدة الي يقراه ويكون مستانس

مشكورة اختي على الموضوع

مشكورة اختي على الموضوع